દુનિયાનું સૌથી મોટું ફૂટબોલ સ્ટેડિયમ

નો ર્થ કોરિયાના પ્યોન્ગ્યાંગ પ્રાંતમાં આવેલું 'રૃનગ્રાડો મે ડે' હાલ દુનિયાનું સૌથી મોટું ફૂટબોલ સ્ટેડિયમ ગણાય છે.

આ સ્ટેડિયમની ક્ષમતા ૧.૫૦ લાખ દર્શકોને સમાવી શકવાની છે.

'રૃનગ્રાડો મે ડે' સ્ટેડિયમ સામ્યવાદી કલા સ્થાપત્યનો એક ઉત્તમ નમૂનો છે.
૧૯૮૯માં ખુલ્લા મુકાયેલા આ સ્ટેડિયમનો પ્રારંભિક હેતુ તોતિંગ પરેડ તથા મોટા સામૂહિક કાર્યક્રમો યોજવાનો હતો.
અહીં નોર્થ કોરિયાની રાષ્ટ્રીય ફૂટબોલ ટીમની મેચ પણ રમાવાની શરૃઆત થઈ ત્યાર પછી તેને સૌથી મોટા ફૂટબોલ ગ્રાઉન્ડનો દરજ્જો મળ્યો છે.
આ મેદાનની કરુણતા એ છે કે તે દુનિયાના એક એવા દેશમાં છે જ્યાં સામ્યવાદી સરમુખત્યારશાહી છે. આના લીધે જ આટલું મોટું સ્ટેડિયમ હોવા છતાં ત્યાં દુનિયાના સ્ટાર ફૂટબોલ પ્લેયર કદી રમ્યા નથી.

આ સ્ટેડિયમનો મેદાન વિસ્તાર ૨૨,૫૦૦ મીટરનો ઘેરાવો ધરાવે છે.સ્ટેડિયમના ભોંયતળિયાનો કુલ વિસ્તાર ૨,૦૭,૦૦૦ મીટરનો ઘેરાવો ધરાવે છે.

સ્ટેડિયમની છતનો ભાગ જમીનથી ૬૦ મીટર ઊંચો છે.

ગિનીસ બુક ઓફ વર્લ્ડ રેકોર્ડ્સમાં નોંધાયેલા દુનિયાના સૌથી મોટા રમતોત્સવ અહીં જ યોજાયા છે, જેમાં એક લાખ જેટલા ખેલાડીઓ તથા દર્શકોએ ભાગ લીધો છે.
૧૯૯૦માં શાસક કિમ જોંગ સામે બળવો પોકારનાર લશ્કરી જનરલ્સને આ સ્ટેડિયમમાં જ જાહેરમાં બાળી મૂકવામાં આવ્યા હતા.

મોટેભાગે આ સ્ટેડિયમમાં નોર્થ કોરિયાનો રાષ્ટ્રીય રમતોત્સવ યોજાય છે તથા લશ્કરી પરેડ યોજાય છે.

ટોકિયો બીજી વાર બનશે ઓલિમ્પિકનું યજમાન, 2020ના રમતોત્સવનું આયોજન જાપાનમાં

બ્યૂનેસ આઈરીસ, 8 સપ્ટેમ્બર

આર્જેન્ટિનાની રાજધાની બ્યૂનેસ આઈરીસમાં શનિવારે આંતરરાષ્ટ્રીય ઓલિમ્પિક કમિટી (આઈઓસી)ની બેઠકમાં 2020ના ઓલિમ્પિક ક્યા યોજવામાં આવશે એના માટે ગુપ્ત મતદાન થયુ હતું.

આ મતદાનના બીજા રાઉન્ડમાં ટોકિયો અને ઈસ્તંબુલ વચ્ચે ખુબ નજીકની સ્પર્ધા હતી, જેમાં ટોકિયો 60-36થી સ્પર્ધા જીતી 2020ના ઓલિમ્પિક માટેનું યજમાન શહેર બન્યું છે. પ્રબળ દાવેદાર ગણાતું સ્પેનનું માડ્રિડ પહેલાંજ રાઉન્ડમાં સ્પર્ધામાથી બહાર થઈ ગયું હતું. ટોકિયોએ માટે આ બીજો અવસર છે કે જેમાં એને ઓલિમ્પિકની યજમાની કરવાની તક મળી હોય. આ પહેલા 1964માં ટોકિયોમાં ઓલિમ્પિક સ્પર્ધાનુ આયોજન થઈ ચુક્યુ છે. ટોકિયો એશિયાનું પહેલું શહેર બનશે કે જ્યાં બીજી વખત ઓલિમ્પિક રમતોત્સવનું આયોજન કરવામાં આવ્યું છે. 

કુશ્તીને ફરીથી ઓલિમ્પિકમાં મળ્યુ સ્થાન

બ્યૂનીસ આયરીસ, 8 સપ્ટેમ્બર

આજે રવિવારે થયેલા મતદાનમાં કુશ્તીએ તેના જેવી બીજી રમતો સ્ક્વોશ, બેઝબોલ જેવી રમતોને પાછળ રાખી ઓલિમ્પિકમાં સ્થાન મેળવી લીધુ છે. 1900ની સાલ સિવાય તમામ ઓલિમ્પિકમાં સ્થાન પામેલી રમત કુશ્તીને આશ્ચર્યજનક રીતે ફેબ્રુઆરીમાં નવી રમતો ને સ્થાન આપવા ઓલિમ્પિકમાંથી દુર કરી હતી.

ત્યારબાદ રમતોની પસંદગી માટે મતદાન કરવામાં આવેલુ. આંતરરાષ્ટ્રીય ઓલિમ્પિક સમીતીમાં 95 મત માંથી કુશ્તીને 49 મત મળ્યા હતા જ્યારે સ્પર્ધામાં રહેલી બીજી રમત બેઝબોલને 24 અને સ્ક્વોશને 22 મત મળ્યા હતા. આથી કુશ્તીને વિજેતા ગણી તેને ફરી ઓલિમ્પિકમાં સ્થાન આપવામાં આવ્યુ છે.

ભારતને અત્યાર સુધી કુશ્તીમાં 4 ઓલિમ્પિક પદક મળેલા છે જેમાં બે પદક સુશીલ કુમારને મળ્યા છે.

પેસ-સ્ટેપાનેકની જોડીની યુએસ ઓપનમાં શાનદાર જીત

ન્યુયોર્ક, 8 સપ્ટેમ્બર

આજે ન્યુયોર્કના આર્થર એશ સ્ટેડિયમમાં રમાયેલી યુએસ ઓપનની ડબલ્સ ફાઈનલમાં પેસ-સ્ટેપાનેકની જોડીએ તેના હરિફ પેયા-સોરેસને 6-1, 6-3થી સીધા સેટોમાં હાર આપી યુએસ ઓપનનો ખિતાબ પોતાને નામ કર્યો છે.

40 વર્ષીય ભારતીય ખેલાડી  લિયેન્ડર પેસનુ આ ત્રીજુ યુએસ ઓપન ગ્રાંડ સ્લેમ ટાઈટલ છે. અને તેની કારકિર્દીનુ આ 14મુ ગ્રાંડ સ્લેમ ટાઈટલ છે. આ સાથે તેણે સાબિત કરી દીધુ છે કે રમત માટે ઉંમરનુ મહત્વ હોતુ નથી. આજે પણ લિયેન્ડર પેસનો જુસ્સો એમનોએમ અકબંધ છે.

લિયેન્ડર પેસે આ પહેલાં 2006માં જેક રીપબ્લીકના માર્ટીન ડેમ સાથે અને લુકાસ ડલુહી સાથે યુએસ ઓપન ગ્રાંડ સ્લેમ ટાઈટલ જીત્યા છે. લિયેન્ડર પેસે 6 મીક્ષ્ડ ડબલ્સ સાથે 14 ગ્રાંડ સ્લેમ ટાઈટલ જીત્યા છે.