લંડન, તા. ૨૫ સપ્ટેમ્બર
વર્લ્ડ ચેમ્પિયન વિશ્વનાથન આનંદે ચેસ માસ્ટર્સ ફાઇનલના પ્રથમ રાઉન્ડમાં સ્પેનના ફ્રાન્સિકો વાલેજ સામે ડ્રોથી સંતોષ માનવો પડયો હતો. સફેદ મોહરા સાથે રમી રહેલો આનંદ નબળા હરીફ સામે પ્રભાવશાળી શરૃઆત કરવામાં નિષ્ફળ રહ્યો હતો. આનંદે ઘણી ચાલ બદલી હતી પણ હરીફ ખેલાડીને માત આપી શક્યો ન હતો. મુકાબલો ડ્રો થતા આનંદે એક પોઇન્ટથી સંતોષ માનવો પડયો હતો.
આરોનિયન અને કારુઆના ત્રણ પોઇન્ટ સાથે ટોચનાં સ્થાને છે. આનંદ એક પોઇન્ટ સાથે ત્રીજા ક્રમાંકે છે. આનંદે હવે રિટર્ન મુકાબલામાં શાનદાર દેખાવ કરવો પડશે. અન્ય મુકાબલામાં અર્મેનિયાના લેવોન આરોનિયને રશિયાના કર્જાકિન સામે વિજય મેળવ્યો હતો. જ્યારે ઇટાલીના ફેબિયાનો કારુઆનાએ વિશ્વના નંબર વન ખેલાડી નોર્વેના મૈગ્નસ કાર્લસન સામે વિજય મેળવ્યો હતો.
No comments:
Post a Comment