ભારતના ભડવીર વિજયકુમારે અપાવ્યો સિલ્વર મેડલ

Aug 03, 2012

લંડન, તા.૩

લંડન ઓલિમ્પિક્સમાં વધુ એક શૂટરે મેડલ મેળવી ભારતને ગૌરવ અપાવ્યું છે. શૂટર વિજયકુમારે મેન્સ ૨૫ મીટર રેપિડ ફાયર પિસ્તોલ સ્પર્ધામાં સિલ્વર મેડલ મેળવ્યો હતો. આ મેડલ સાથે લંડન ઓલિમ્પિક્સમાં ભારત બીજો મેડલ મેળવવા સફળ રહ્યું હતું. ૨૦૧૦ કોમનવેલ્થ ગેમ્સમાં ૩ ગોલ્ડ મેડલ મેળવનાર વિજયકુમારે ફાઈનલમાં ૩૦ પોઈન્ટ સાથે બીજો ક્રમ મેળવી સિલ્વર મેડલ મેળવ્યો હતો. ક્યુબાના લ્યુરિસ પુપાએ ૩૪ પોઈન્ટ મેળવી ગોલ્ડ મેડલ અને ચીનના ડિન ફેંગે ૨૭ પોઈન્ટ સાથે બ્રોન્ઝ મેડલ મેળવ્યો હતો. મેન્સ ૨૫ મીટર રેપિડ ફાયર પિસ્તોલ સ્પર્ધામાં ભારત પ્રથમ વખત ઓલિમ્પિક્સ મેડલ મેળવવા સફળ રહ્યું છે. ગગન નારંગ બાદ વિજયકુમારે શૂટિંગમાં ભારતને બીજો મેડલ અપાવ્યો હતો.
વિજયકુમારે ફાઈનલમાં પ્રભાવશાળી શરૃઆત કરી હતી. પ્રથમ રાઉન્ડમાં પાંચનો સ્કોર બનાવ્યો હતો. આ પછી સાત રાઉન્ડમાં અનુક્રમે ૪, ૪, ૩, ૪, ૪, ૪, રનો સ્કોર બનાવ્યો હતો. આ પહેલા વિજયકુમારે ક્વોલિફાઈંગ રાઉન્ડમાં ૫૮૫ પોઈન્ટ સાથે ફાઈનલમાં સ્થાન બનાવ્યું હતું.

ઓલિમ્પિક્સમાં ભારતીય શૂટરોનો દબદબો

શૂટર વિજયકુમારે મેન્સ ૨૫ મીટર રેપિડ ફાયર પિસ્તોલમાં સિલ્વર મેડલ અપાવી ભારતને વધુ એક સફળતા અપાવી છે. આમ વધુ એક વખત ઓલિમ્પિક્સમાં શૂટરો ઝળક્યા છે. ભારતીય શૂટરો છેલ્લા ત્રણ ઓલિમ્પિક્સમાં પોતાની છાપ છોડવા સફળ રહ્યા છે. ભારતને મેડલની સૌથી વધારે આશા પણ શૂટિંગમાં રહે છે. શૂટરો ભારતની આ આશાને ક્યારે નિરાશ કરતા નથી. લંડન ઓલિમ્પિક્સમાં વિજયકુમારે મેન્સ ૨૫ મીટર રેપિડ ફાયર પિસ્તોલમાં સિલ્વર મેડલ, જ્યારે ગગન નારંગે ૧૦ મીટર એર રાઈફલ સ્પર્ધામાં બ્રોન્ઝ મેડલ અપાવ્યો છે. આમ લંડન ઓલિમ્પિક્સમાં મેળવેલ બન્ને મેડલ શૂટિંગમાં મળ્યા છે. આ પહેલા ૨૦૦૪ એથેન્સ ઓલિમ્પિક્સમાં રાજ્યવર્ધનસિંહ રાઠોરે બ્રોન્ઝ અને ૨૦૦૮ બેઈજીંગ ઓલિમ્પિક્સમાં અભિનવ બિન્દ્રાએ ગોલ્ડ મેડલ મેળવ્યો હતો. આમ શૂટિંગમાં ભારત સતત ત્રીજા ઓલિમ્પિક્સમાં મેડલ મેળવવા સફળ રહ્યું છે.

વિજયે વટ પાડયો

• : ૧૯૮૬માં હિમાચલ પ્રદેશના હમીરપુર જિલ્લામાં જન્મ થયો હતો.

• :૨૦૦૬માં યોજાયેલી કોમનવેલ્થ ગેમ્સમાં બે ગોલ્ડ મેડલ જીતી વિજયે લાઇમલાઇટ મેળવી.

• : ૨૦૧૦માં યોજાયેલી કોમનવેલ્થ ગેમ્સમાં પણ બે ગોલ્ડ,૧ સિલ્વર જીત્યા હતા.

• : હાલ ઇન્ડિયન આર્મીમાં સુબેદાર તરીકે ફરજ અદા કરે છે.

• : ૨૦૦૭માં અર્જુન એવોર્ડથી સન્માનિત કરાયો હતો.

• : ૨૫ મીટર રેપિડ ફાયર પિસ્તોલ ઉપરાંત ૨૫ મીટર સેન્ટર ફાયર પિસ્તોલ, ૨૫ મીટર સ્ટાન્ડર્ડ પિસ્તોલ, ૧૦ મીટર એરપિસ્તોલ ઇવેન્ટમાં પણ ભાગ લે છે.

 

લ્યુરિસ પુપો (ગોલ્ડ મેડલ)

રાઉન્ડ	સ્કોર
૧	૩
૨	૫
૩	૫
૪	૫
૫	૪
૬	૪
૭	૪
૮	૪

કુલ સ્કોર        ૩૪

 

વિજયકુમાર (સિલ્વર મેડલ)

રાઉન્ડ	સ્કોર
૧	૫
૨	૪
૩	૪
૪	૩
૫	૪
૬	૪
૭	૪
૮	૨

કુલ સ્કોર        ૩૦

 

ફેંગ ડિંગ (બ્રોન્ઝ મેડલ)

રાઉન્ડ	સ્કોર
૧	૪
૨	૫
૩	૪
૪	૩
૫	૪
૬	૪
૭	૩